Ակնարկը գեղարվեստական ժանրի տարատեսակներից է: Այն ծնունդ
է առել գրականության մեջ, սական հետագայում թափանցել է նաև լրագրության ասպարեզ: Ակնարկը
իր բնույթով շատ մոտ է պատմվածքին, սակայն կան կարևոր առանձնահատկություններ, որոնք
էլ տարանջատում են մտցնում ակնարկի և պատմվածքի միջև: Առաջին կարևոր առանձնահատկությունն
այն է, որ ակնարկի հիմքում ընկած են իրական փաստեր, դեպքեր ու իրադարձություններ: Այստեղ
բոլոր կերպարները իրական են, ունեն իրական անուն-ազգանուններ: Պատմվածքի մեջ ամեն բան
մտածածին է, կերպարներն ու իրադարձությունները` հորինված:
Ակնարկը իրականությունը ներկայացնում է գեղարվեստորեն: Շատ
կարևոր է նաև պատկերային մտածողությունը: Սակայն, պետք է հիշել, որ ակնարկը շարադրություն
չէ: Պետք է զերծ մնալ ածականներից, հարցականներից, բազմակետերից և պատկերավորման միջոցների չարաշահումից: Եթե անհրաժեշտ
է նկարագրություն, ապա պետք է նկարագրել այնպես, ինչպես ինքդ ես տեսնում, իսկ որակումներ
կտա ընթորցողը:
Որպես հավելում`նշենք նաև, որ ակնարկը լինում է 3 տեսակի.
- դիմանկարային
- ճամփորդական
- հիմնախնդրային
Комментариев нет:
Отправить комментарий